BAGUIO CITY – Nasarakan iti kanayunan a tallo a bangkay kabayatan iti pannakaipatungpal ti maikatlo a search and retrieval operation iti Banaue Mudslide.
Sigun ken ni Banaue Mayor John Raymund Wesley A. Dulawan, nasarakan iti maysa kadagiti bangkay sadiay lower Luboong ken naiturung daytoy iti Munisipyo bayat a dagiti dua ket manipod iti Butel ken Sumigar.
Nasarakan pay iti maysa a saka Caba, Lagawe idi agsapa ken naiturung metlang daytoy iti munisipyo
Nupay kasta, marigatan latta dagiti otoridad a mangipatungpal iti operasyon gapu iti kinauneg ti ground zero ken mapaspasaran pay sadiay iti panagtudtudo.
Nupay kasta, naipanamnama iti pannakaiyawid dagiti tallo a bangkay iti munisipyo ti Ifugao tapno bigbigen daytoy dagiti kabagianda.
Iti agdama, dumanonen iti 9 a bangkay ti narekober, maysa ti manarimaan a mabirbiruk ken maysa ti nakalasat ken in-inot metten a matamtaming.
