BAGUIO CITY – Saan paylaeng a drug-cleared ti 14 a barangay ti Baguio City.
Imbingay daytoy ni PDEA-Cordillera information officer Rosel Sarmiento kagiddan ti panangaklonna a karit latta kadagiti maseknan nga ahensia ti panakadalus dagiti nasao a barangay manipud iti presensia ti iligal a droga.
Dinakamatna a gapu iti agdama a pandemya ket bimmuntog dagiti ipatpatungpalda a proseso iti barangay drug-clearning.
Nupay kasta, impanamnamana ti agtultuloy a panangipatungpalda kadagiti nagduduma a programa ti PDEA kadagiti nagduduma a barangay ditoy siudad tapnu tapno naan-anay a madalusan dagitoy manipud iti iligal a droga.
Namnamaenda pay a maideklara a drug-cleared amin a barangay ti Baguio ita a tawen.
Gapu iti daytoy, iyap-apelana ti dagus a panangireport dagiti umili iti aniaman a maobserbaran dagitoy nga iligal nga aramid mainaig iti iligal a droga.
