BAGUIO CITY – Supsuportaran ni Baguio City Representative Mark Go ti kiddaw ni Agriculture Secretary William Dar a pannakaipatungpal ti reforestation tapno maliklikan dagiti nakaro a panaglayus.
Impettengna a panawenen tapno maipasidong iti rehabilitasion ti aglawlaw tapno maliklikan dagiti nakaro nga epekto dagiti kalamidad.
Kinuna ti kongresista a masapul nga agbalin a mandatory ken paset ti responsibilidad dagiti umili ti pannakasalwad ti aglawlaw.
Iti agdama, maur-uray ti panangaprobar ti Senado ti dua a singasing a linteg a binukel ni Go.
Panggep ti House Bill 6931 ti panagmula dagiti agturpos a senior high school ken college students iti dua a kayo bayat a nakalanad iti House Bill 6930, wenno ti “Family Tree-Planting Act” ti panagmula dagiti nagannak iti dua a kayo para iti tunggal ubbing a maipasngay para kadagitoy.
Kiniddaw pay ni Sec. Dar ti reforestation kalpasan ti nakaro a layus s napasaran iti Cagayan Valley gapu iti Typhoon Ulysses.
