--Ads--
BAGUIO CITY – Saan a mangisayangkat ti lokal a gobierno ti Baguio City iti Christmas Party.
Sigun kenni Mayor Benjamin Magalong, nasken a dagiti opisyal a mismo ti siudad ti agbalin a role model iti implementasion dagiti health protocols kontra iti COVID-19.
Kinunanna nga agbalin laeng a simple ti panangrambak ti lokal a gobyerno iti Paskua gapu paylaeng iti pangta ti COVID-19.
Dinakamatna nga adda ti maangay a virtual raffle kadagitoy ken agbalin a simple ti maisagana a selebrasyon.
Innayonna a nasken a dagiti lider ti mangidaulo iti panagtungpal kadagiti nagduduma a paglintegan nangruna ita a panawen ti pandemya.
