BAGUIO CITY–Makidkiddaw ti panaka-awat ti publiko iti panakaipatungpal ti agbaliw-baliw a travel restrictions ditoy baguio city.
Kasaruno daytoy iti panagreklamo dagiti kaaduan gapu iti panakasukat dagiti restrictions para kadagiti sumrek ditoy syudad a mangituntunda iti stress ken mental health problem nangruna kadagiti locally stranded individuals.
Nupay kasta, inlawlawag ni city health services officer dr. rowena galpo nga ibasbasarda laeng dagiti restrictions iti kasasaad ti syudad seknan iti covid-19.
Kinunana a paset daytoy ti pandemya isut gapu a nasken metlang a maadal ti umili nga ag-adjust kadagitoy a panagbaliw dagiti restricitons.
Maipalagip nga impaulog ti lokal a gobyerno ti baro nga entry protocols para kadagiti sumrek ditoy Baguio City ita nga aldaw, March 19, aldaw ti Biyernes
Maibasar iti pagalagadan, nasken a mangiparang iti negative RT-PCR wenno antigen test result a naisayangkat iti uneg ti 72 nga oras sakbay a sumrek iti Baguio wenno maipasidong iti testing sadiay Central Triage iti Baguio Convention Center dagiti non-resident a Private Sector Authorized Persons Outside of Residence nga adda iti official travel, dagiti non-resident travelers a ti panggepda ket agpasyar ditoy Baguio; dagiti turista ken dagiti returning Baguio residents.
