BAGUIO CITY – Nanayonan pay dagiti miyembro ti makakannigid a grupo nga agsubsubli iti gobyerno.
Kasaruno daytoy iti isusuko ti dua a mannalon a miyembro ti Militia ng Bayan iti umuna nga aldaw ti agdama a bulan sadiay Sallapadan Barrio, Sallapadan, Abra.
Sigun kenni Abra Police Provincial Director Pol/Col Christopjer Acop, nabaelanda a kumbinsiren dagiti mannalon a surrenderees babaen iti nairtengan nga implementasionda iti End Local Communist Armed Conflict (ELCAC) a programa dagitoy.
Naamuan a miyembro pay dagitoy iti Lumbaya Company, ti Communist Terrorist Group nga addaan operasion iti region.
Naituding nga agnumar dagiti simmuko nga indibidual iti assistance program ti gobyerno nga Enhanced Comprehensive Local Integration Program (E-CLIP) no sadino maipaayanda iti opurtunidad nga agbiag iti normal a wagas.
Iti agdama ket adda iti Sallapadan MPS sadiay Abra dagiti mannalon para iti dokumentasion.** reports from PNPCordillera
