BAGUIO CITY – Impanamnama ti barangay officials ti panakibinnadangda kadagiti otoridad a mangikampanya kontra iti iligal a droga para iti panakagun-od ti tarigagay a maideklara ti Baguio City kas Drug free.
Sigun ken Benjamin Macadangdang, dadaulo ti Barangay Affairs Office, saanda nga agduadua a makitinnulong iti Philippine Drug Enforcement Agency (PDEA)-Cordillera tapnu madalusan ti siudad iti iligal a droga.
Kinunana a manarimaan ti panangisaganada iti documentary evidence nga isumiterda iti PDEA-CAR nga agbalin a basaran iti assessment ken panakabukkel dagiti plano ken programa mainaig iti iligal a droga.
Nilaon ti nasao a dokumento dagiti impormasyon a natalantan iti Barangay Anti-Drug Abuse Council (BADAC) Meeting ken listaan dagiti mapapati ken mabigbigbig a drug personalities tunggal barangay pakairamanan dagiti koordinasyonda iti nagduduma a sektor.
Patienna a babaen iti daytoy ket maamoan dagiti babbarangay a nasken a mamonitor ken madalusan malaksid kadagiti 14 a barangay ti siudad a saan paylaeng a nadalusan iti iligal a droga.
ni Benjamin Macadangdang, dadaulo ti Barangay Affairs Office ti Baguio City
