--Ads--
BAGUIO CITY -Nasurok 15,300 nga aso ti balligi a nabakunaan iti manarimaan nga anti-rabies vaccination iti Baguio City.
Sigun kenni City Veterenarian Dr. Brigit Piok, agtultuloy ti panagbakunada kadagiti aso gaputa agingga nga adda paylaeng ti naan-anay a suplay ti bakuna.
Kinunana a libre ti panagbakuna rason ti panangguyogoyda kadagiti pet owners nga ipabakuna dagitoy dagiti tarakenda nga aso.
Inayonna pay nga iti agdama ket maisaysayangkat ti rabbies vaccination sadiay Middle Quezon Hill, sarunoen ti Brookside inton bigat, Upper QM, Camp 7, ken Bakakeng Norte/Sur.
