BAGUIO CITY – Awan pay ti plano ti lokal a gobyerno ti Baguio a mangsuspindir iti inorder daytoy nga AstraZeneca vaccines iti baet ti pammilin a temporaryo a panakisardeng ti panakaibakuna ti nasao a bakuna kadagiti agtawen ti 60 nga agpababa.
Iti interview ti bombo radyo baguio kenni city administrator engr. bonifacio dela peña, kinunana a daytoy ket gaputa manarimaan latta ti panagadal iti nasao a bakuna.
Innayonna nga abril paylaeng ita ken adayo pay iti hunyo a puntirya a panakaideliver daigti astrazeneca vaccines a ginatang ti lokal a gobyerno ti Baguio.
Imbinglayna pay nga agingga ita ket awan ti naaw-awatda a report nga adda dagiti health workers ditoy siudad a nabakunaan iti astrazeneca a nagsagaba iti nakaro a side effects.
Sigun kenkuana, adda dagiti health workers ditoy siudad a nabakunaan iti astrazeneca kagiddan dagiti nabakunaan met ti sinovac.
Innayonna nga awan unay ti naaramat nga astrazeneca vaccines ditoy siudad isut gapuna a saan unay a naapektaran ti baguio kadagiti tumataud a pakaseknan iti nasao a bakuna.
