BAGUIO CITY – Maad-adal ita ti panakasukat ti nagan dagiti sumagmamano a paset ti Perfecto Street partikular ti Junction ti Lake Drive ken Harrison Road.
Isaksakad daytoy ti grupo ni Councilor Vladimir Cayabas no sadinno panggep a sukatan ti nagan dagiti nadakamat a disso iti “Dr. Margarita Fernandez Drive.”
Inlawlawag ni Councilor Betty Lourdes Tabanda a dakkel ti akkem ni “Dr. Margarita Fernandez” iti panakaaramid dagiti nakamatna a kalsado rason ti panangsukatda iti nagan dagitoy.
Sigun met kenni Cayabas, insubmitirda dagiti kasapulan a dokumetno a kiniddaw ti National Commission For Culture and the Arts idi nangisayangkat dagitoy iti konsultasyon.
Maipalagip a kadawyan kadagiti kalsada ti Baguio City ti nagan dagiti indibidual a nangipaay iti dakkel a konstribusyon para iti balligi a panakaisimpa dagitoy.
