--Ads--
BAGUIO CITY – Dumanonen iti nasurok P477-M a pondo ti Tulong Panghanapbuhay sa Ating Disadvantaged/Displaced Workers (TUPAD) Program ti impaay ti DOLE-Cordillera kadagiti lokal a gobyerno iti rehiyon Cordillera.
Iti panaki-uman ti Bombo Radyo Baguio, dinakamat ni DOLE-Cordillera Regional Director Nathaniel Lacambra nga amin a probinsia iti rehiyon ket naiwarasan iti pondo ti TUPAD Program.
Inlawlawagna a ti gatad ket nagserbi a sweldo dagiti nasurok 90,000 a benepisyaryo ti nasao a programa apaman a nakompleto ti panagtrabaho dagitoy iti naituding nga aldaw.
Innayonna nga adda met ti latta ti kanayonan a pondo ti TUPAD Program a maipaay iti rehiyon Cordillera nga agtaud iti pondo ti Bayanihan II ti gobyerno.
