--Ads--
BAGUIO CITY – Nailista ti maysa a kaso ti firecracker-related injury iti Baguio City idi kalman.
Babaen daytoy iti 25-anyos a lalaki a natamaan ti paputok (kwitis) kabayatan ti gathering sadiay Quezon Hill Proper.
Iti interview ti Bombo Radyo, kinuna ni Dra. Donabelle Tubera Panes, Medical Officer IV iti City Health Sevices Office, nasugatan ti ima ti biktima ngem natalged ita ti kasasaadna kalpasan a naipaayan ti medical attention.
Dinakamatna a ti nagpaputok iti kwitis ket saan a residente ti Baguio City nu di ket nagbisita laeng.
Gapu iti nasao nga insidente, nagpalagip manen ni Panes iti publiko a liklikanda ti paputok tapno maliklikan ti aksidente.
Imbalakadna a nasaysayaat nu agaramatda laengen ti alternatibo a pampaariwawa
