--Ads--
Inwaragawag ni Philippine National Police (PNP) chief General Benjamin Acorda Jr. nga amin a systems kadagiti amin a government agencies ket nakasagana para iti Holy Week.
Sigun kenni Acorda Jr. agarup 52,000 a pulis ken 427 a K-9 units ti maideploy iti pagilian para iti panakabantay ti seguridad dagiti publiko iti Lenten season nangruna kadagiti kalsada, airports, ken ports.
Kinuna ni Acorda Jr. a no agksapulan ti kanayunan a pwersa ket mabalin a dawaten ti tulong dagiti daduma nga ahensya kas iti Philippine Coast Guard(PCG), Bureau of Fire Protection (BFP) ken daduma pay.
Kabayatanna, manamnama nga agarup maysa a million a pasahero ti agturong iti Ninoy Aquino International Airport (NAIA) para iti panagbyahe dagitoy para iti Holy Week.
