BAGUIO CITY – Dumanon iti tallo pulo ti bilang dagiti natiliw gapu iti panaglabsing iti Anti-Moma Ordinance iti siudad iti umuna a kuarter iti agdama a tawen nu idilig iti agarup lima pulo a nailista laeng idi napan a tawen.
Iti interview ti Bombo Radyo kenni Daryll Kim Longid, dadaulo ti Public Order and Safety Division, ti nasao a bilang ket saanna nga iladawan a ngumatngato ti nasao nga insidente nu diket nakadepende daytoy iti madukduktalan da ken nanayonan ti enforcers da.
Nupay ksta, inaklonna a karit kadagiti maseknan nga opisyales ti panakaipatungpal ti anti-moma ordinance iti siudad gapu ta adu ladta ti matiltiliwan nga agmomoma kadagiti para-publiko a lugar iti baet a maiparit daytoy kas maibasar iti city ordinance no. 35, series of 2020.
Kinunana pay a saanda a makaikabil ti enforcers iti intero a merkado publiko tapno laeng maipasigurado nga awan ti aglabsing iti nasao nga ordinansa.
Inyunay-unayna met a saan da a dagus a tiltiliwen dagiti makita da nga agmoma gapu ta maysa daytoy kadagiti kultura ken dagiti laeng maduktalan da nga agitupra kadagiti kalsada.
Makidkiddaw met ti panakitinnulong iti komunidad maipapan iti panangsita ken panangpalagip kadagiti agngalngalngal ti momma nga agbalin a responsable dagitoy.//Bombo Marinel Rodrigo
