Ti krimen, kasano man kadagsen wenno kalag-an, masapol a maipaayan iti aksion.
Daytoy a prinsipio ket naiyunay-unay iti maysa a pasamak itay nabiit iti siudad ti Baguio nu sadino, dua a babbai ti naipaayan iti kaskenan a kaso gapu iti maatap a panagtakawda iti dua a pidaso ti “turon” nga aggatad iti P50.
Maibasar iti report ti pulisya, napasamak ti panagtakaw dagitoy idi Nobyembre dise otso partikular iti maysa a food stall iti Magsaysay Avenue, Barangay Happy Homes, Baguio City.
Mapapati a nagtinnulong dagiti suspek a nangtakaw kadagiti turon ngem sakbay a mailemmengda ket nakita daytoy ti maysa a security guard.
Iti laksid a kinompronta iti guardia dagitoy, intuloy ladta dagiti babbai a tinakaw dagiti nasao a taraon.
Gapu iti dayta, inkeddeng ti agtagikua iti turon a mangipila iti kaso kontra kadagiti suspek iti city prosecutor’s office.
Posible a saan pay a natiliw dagiti babbai gaputa awan ti naipaulog nga arrest warrant para iti pannakatiliw dagitoy.
