Napaay a makabawi ti Bunggoy ti Yap Benguet All Star iti PBA motoclub iti exhibition game dagitoy idi kalman idiay Benguet Sports Complex, Wangal La Trinidad.
Nagleppas ti ay-ayam iti iskor a 103 para iti Benguet All Star ken 114 met iti PBA motoclub, umuna a nakalamang iti Yap Benguet All Star iti umuna ken maikadua a quarter ngem in-inut daytoy a nakamat ti PBA motoclub.
Bukbuklen ti PBA Motoclub da Jayjay Helterbrand, Rico Maierhofer, Ranidel De Ocampo, Alex Cabagnot, Gary David, Cyrus Baguio, KG Canaleta, Yancy De Ocampo, Jerwin Gaco at Ryan Araña ken dadduma pay.
Maipalagip a naabak met laeng ti Benguet All star idi napalabas a tawen isut gapu na a nag import-da iti dua a player a ni James Yap ken ni Marc Pingris tapnu makatulong a mangabak kuma dagitoy.
Nagbalin nga bentahe ti PBA motoclub ti experience dagitoy gapu ta aminda ket sigud a Star Player iti Philippine Basketball Association ken ti kinatayag dagitoy.
Dinar-ayan met daytoy iti Basketball Fans manipod iti nadumadumana Munisipyo ti Benguet adda met laeng ni Governor Melchor Diclas ken dagiti dadduma a Mayor’s kenni Congressman Eric Yap a nagay-ayam para iti bunggoy ti Benguet All Star.
Nagyaman met ti PBA Motoclub kadagiti Fans iti nabara a panangpasambag dagitoy kadakuada ken impanamnamada met a saan daytoy ti maudi a panagay-ayamda iti Probinsya ti Benguet.//Jwin
