Naobserbaran ti panagado dagiti turista sadiay Atok,Benguet ita a tawen no sadino nagtriple ti bilang dagitoy no idilig idi napalabas a tawen.
Iti panakiuman ti Bombo Radyo kenni Edward Haight, councior iti Atok, Benguet, kinunana nga immado dagiti turista nopay kasta, kagiddan iti panagdur-as iti turismo iti nasao a munisipyo ket ti panakapasar dagitoy kadagiti sumagmamano a karit.
Sigun kenni Haight, daytoy ket pakairamanan ti kinakurang ti pagparadaan nangruna no panawen ti peak season rason a makidkiddaw ti panakaawat ti publiko no mamingsan ket mapaspasaran ti nailet a gunay ti trapiko.
Malaksid iti dayta ket ti saan unay a panakaimplementar ti panakasingir kadagiti environmental fee kasta met ti basura.
Ngem, kagiddan dagiti ado a karit a sangsangoen ti nasao a munisipyo ket agtultuloy ti panagkita dagitoy iti solusyon tapno masolbar dagiti nasao a pakaseknan.
