Agtalinaed pailaeng ti nagan ni sigud a President Rodrigo Duterte iti balota kas maysa kadagiti kandidato iti kina-mayor idiay Davao City uray pay natiliw daytoy idi kalman gapu iti kasona a crimes against humanity.
Daytoy ti inwaragawag ti Commission on Elections wenno COMELEC ita nga aldaw.
“He is still a candidate,” daytoy ti kinuna ni Comelec Commissioner Ernesto Maceda Jr.
“The only way you stop being a candidate is if you withdraw. Considering you are convicted, unless it is a conviction by final judgment, you’re still in the roll as a candidate,” kinuna pay ni Maceda.
Maipalagip nga idi rabii ket naibiahe ni sigud a President Duterte paturong idiay Netherlands nu sadino idiay nga ipatungpal ti International Criminal Court ti hearing iti kaso ni Duterte nga adda pakainaiganna iti war on drugs bayat ti administrasyonna.
Immuna metten a nangipaay iti statement ni President Ferdinand Marcos Jr idi rabii a sursuroten ti pagilian ti linteg kas maibasar iti kiddaw ti interpool.
Manamnama met a makasangpet inton alas dos ti malem idiay Netherlands ti eroplano a nagluganan ni sigud a President Duterte.
