Pinaglibakan ti ahensya ni Kim Soo Hyun dagiti sayanggusing a hinarass ti aktor ni daydi aktres Kim Sae Ron.
Sigun iti ahensya daytoy, palso ken awan basaran ti alegasyon ti maysa a korporasyon.
Maibasar kadagiti agwarwaras a pablaak, ni Kim Soo Hyun ken daydi Kim Sae Ron ket addaan iti romantic relationship manipud idi agtawen ti akres iti 15-anyos kasta met ti saan a panag-aksyon ti ahensya iti panaka-aksidente ni Sae Ron nga adda iti impluwensya ti arak.
Idi napalabas a tawen, immunan a pinaglibakan ti ahensya ni Soo Hyun nga adda ti relasyon dagiti dua nga artista kagiddan ti panangipablaak ni Sae Ron iti ladawan dagitoy iti aktor.
Sigud met nga agpada ti ahensya dagiti dua nga artista ngem kalpasan ti panakatiliw ni Sae-ron nga adda iti impluwensya ti arak ket nagsabali ti ahensya daytoy.
Maipalagip nga idi napalabas a bulan ket pimmusay ti aktres iti edadna a 24 gapu iti suicide no sadino inyebkas ti ahensya ni Soo Hyun ti panakipagladingitda.
Nopay kasta, kiddawda ti saan a panagiwaras ti publiko kadagiti damag a palso ken awan basaranna.
