Naikeddeng nga ipatungpal ti Department of Social Welfare and Development ti naing-inget a pagannurotan iti pannakaipaulog ti travel permit para kadagiti menor de edad nga agbiahe iti ballasiw-taaw.
Sigun iti statement idi Sabado, ti Minors Traveling Abroad (MTA) system ket nairanta a manglapped iti child trafficking ken dadduma pay a krimen kontra kadagiti ubbing babaen ti pananglimitar kadagiti indibidual ken nainget a pannakaipatungpal dagiti proseso ti aplikasion.
Karaman pay iti proseso ti panagbisita iti pagtaengan nga aramiden dagiti lokal nga opisial ti social welfare and development (LSWDO) no kasapulan.
Sigun kenni Assistant Secretary Ada Colico ti Protective Programs ti DSWD, patganda laeng ti tallo a tao a mangaramid ti accoun a kas ti parents, legal guardians, ken travel companions.
Ti nainget a pagannurutan ket maipatungpal a maitunos kadagiti dadduma nga ahensia ti gobierno a maseknan iti international travel ken child welfare.
Idi laeng kalman, mangiproproseso ti MTA system iti 2,000 applications nga addaan ti walo a disapprovals gapu kadagiti saan a panagtutunos.
