Naragsak nga inpakaammo ti Philippine National team Paralympian a ni Jerrold Mangliwan a nagun-odna ti qualifying tool para iti World Championship ti World Para Athletics Championships.
Iti pannakiuman iti Bombo Radyo kenkuana, kinunana a makumikom daytoy iti panagsanay kas panagsaganana iti nasao a pasalip.
Manamnama a maangay ti World Para Athletic Championship intun Sitiembre iti agdama a tawen sadiay India.
Kabayatanna, naglevel up ni Mangliwan iti 800 meters agingga iti 1,500 meters manipud iti 100 ken 400 meters a sigud a kategoria daytoy.
Sigun kenkuana, komportable daytoy iti 800 ken 1,500 meters agsipudta saan a kasapulan ti pwersa ti bagi ken mabalin a bumawi apaman nga asideg iti finish line.
Inbinglay ni Mangliwan a sikretona ti panangipaayna iti importansia ti panunut ken focus kas maysa a Paralympian nga agtawen iti 45.
Mainaig iti dayta, manamanama a mabokel ti programa para kadagiti dadduma a mangkayat nga agbalin Paralympian.
Panggep ni Mangliwan nga ibinglay dagiti kapanunutanna seknan iti sports apaman nga agretiro daytoy.
Namnamaenna a maipakaammo iti rehion Cordillera dagiti ay-ayam a mabalin a pakipasetan dagiti Person with Disabilities.//mp4
