Impetteng ni Bureau of Immigration (BI) chief Joel Viado a posible a ti ruta a nagnaan ni sigud a presidential spokesperson Harry Roque a nagturong sadiay The Netherlands ket kapada metlaeng iti nagnaan ni dismissed Bamban, Tarlac Mayor Alice Guo bayat ti panaglibasna iti Pilipinas.
Sigun kenni Viado, naimatangan ni Atty. Roque sadiay Tawi-Tawi iti alas nuebe y media iti agsapa idi Setyembre a dos no sadino naberipikar ken nakumpirmar a saan a naimatangan daytoy sadiay Bongao kalpasan ti initial sighting iti airport iti kapada nga aldaw.
Gapu iti dayta, mapapati a nakadanun ni Atty. Roque sadiay United Arab Emirates a kinumpirmar met ti Philippine Ambassador to the UAE idi Setyembre a kwatro idi napalabas a tawen.
Kinuna a gaputa awan ti aniaman a nairekord a depature ni Atty. Roque idi record ti Bureau of Immigration, posible met a nagna daytoy babaen iti backdoor exit sadiay Tawi-Tawi.
