--Ads--
Sumagmamano a lugan ti nadadael gapu iti napasamak nga aksidente idiay Badiwan, Poblacion, Marcos Highway, pasado alas tres itay malem.
Iti inisyal nga imbestigasyon, nakapasar iti loose break ti maysa a truck rason a nadungparna dagiti sarsarunoenna a lugan ken dagiti nakaparada.
Gapu iti aksidente, pimmusay ti maysa a motorcycle rider bayat a pito nga indibidual ti matamtaming ita iti ospital.
Karaman ti driver ti truck kadagiti naitaray iti ospital bayat a dagiti dua a pahenantena ket naglibasda idi napasamak ti aksidente.
Iti agdama ket manarimaan pailaeng ti kanayonan nga imbestigasyon nga ipatpatungpal dagiti otoridad.//Bombo Noveh Grace Organo
