Baguio City- Pinagyamanan ti Baguio City Football Club ti Philippine Football Federation iti gundaway a naipaay kadakuada partikular dagiti ubbing a players tapno makipartisipar iti PFF “Sized for Children Workshop” a maisayangkat idiay New Clark City Stadium Capas, Tarlac.
Kalpasan na ket naituding da a buyaen ti agtultuloy nga AFC Asian Cup Qualifiers iti nagbaetan ti Pilipinas ken Maldives.
Kalikagum ti workshop nga iparang ken ipakaammo ti benepisyo ti small–sided formats, nga agserbi kas giya ken epektibo a wagas tapno matulungan dagiti players tapno naan-anay a mapaka-amuan dagitoy para iti napintas a transition iti full 11 x 11 format.
Naikeddeng a sumurot iti nasao nga aktibidad dagiti coaches a da Dave Fiangaan, Joan Kani ken Ross Rillera.//Bombo Jordan Tablac
