--Ads--
Manarimaanen a mangipapaay ti legal support ti gobierno ti Pilipinas kadagiti tallo a Pilipino a nakemmeg idiay China para iti mapapati a panagespia dagitoy, sigun iti Department of Foreign Affairs.
Sigun kenni Ambassador Teresita Dazam pannakangiwat ti nasao nga ahensia, ammuda ti alegasion kontra kadagiti tallo a Pilipino.
Kinunana a kangrunaan a prayoridadda ti mangsalaknib ti karbengan ken interest dagiti naibalud a Pilipino.
Dinakamatna pay a nakikoordinaren ti DFA iti gobierno ti China tapno maipasigurado a mausig dagitoy nga alegasion babaen ti maiparbeng a proseso ken naan-anay a panagraem iti karbengan dagiti nadakamat a Pilipino a maitunos iti domestic law.
