Impakaammo dagiti Church Officials nga agserbi ti senior Vatican Official a ni Cardinal Kevin Farrell kas interim manager iti Vatican agingga nga awan pay ti agserbi a Santo Papa.
Ti agtawen iti 77 a ni Farrell ket naipasngay idiay Ireland ken nagserbi kas bishop iti Diocese of Dallas ken auxiliary bishop iti Archdiocese of Washington, D.C.
Idi 2019, ni Farrell ket innominar daydi Pope Francis kas Camerlengo of the Holy Roman Church.
Idi 2020, dinutukan metlaeng daydi Pope Francis ni Farrell kas presidente iti Church’s Commission on Confidential Matters, bayat nga idi 2023 ket pinagbalin ti Santo Papa ni Farrell kas presidente iti Vatican City State Supreme Court.
Maipalagip a ni metlaeng Farrell ti nangkumpirmar ken nangipakaammo iti ipupusay ni Pope Francis idi kalman kadwa da Vatican secretary of state Cardinal Pietro Parolin, substitute chief of staff Archbishop Edgar Peña Parra,ken master of liturgical ceremonies Archbishop Diego Ravelli.
