--Ads--
Agtultuloy ti imbestigasyon ti Bureau of Fire Protection-Tuba, Benguet iti napasamak a kaunaan a forest fire sadiay Tuba ita a tawen itay napalabas.
Iti panakiuman ti Bombo Radyo kenni Senior Fire Officer Orvil Bumacas, Chief Intelligence Investigator Unit iti BFP-Tuba, kinunana nga awan met ti naapektaran a babbalay iti nasao nga uram nangruna ket farm area ti nasao a lugar.
Maibasar iti inisyal nga impormasyon, maatap nga agarup maysa nga ektarya ti nauram a nangrugi sadiay Pula, Poblacion, Tuba, Benguet.
Kabayatanna, sigun iti maysa a residente sadiay, saan a daytoy ti kaunaan a gundaway a nauram ti nasao a lugar.//Bombo Noveh Organo
