Napadawayan ken nabigbig dagiti empleyado ti Department of Education Cordillera iti naisayangkat a 37th founding anniversary ti DepEd-CAR idiay Wangal, La Trinidad Regional Office idi Abril 25, 2025.
Daytoy ket pakairamanan dagiti empleyado a nagtrabaho iti nasao nga ahensya iti 10 years, 15 years, 20 years, 25 years 30 years ken 35 years kasta met dagiti retirees.
Da Marites Calica ken Christina Paquit, ti addaan iti kabayagan a serbisyo iti Department of Education Cordillera a dumanon iti tallo pulo ket lima a tawen.
Sumarsaruno da Clemente Bandao ken Janet Ambucay nga addaan iti tallo pulo a tawen a serbisyo.
Kabayatanna, dumanon iti 19 a retirees ti napadayawan met iti nasao a selebrasyon.
Nagyaman met ni Regional Director Estela P. Leon-Cariño kadagiti amin a mentors gapu iti agtultuloy a panagbalin dagitoy kas pillars iti nasao nga ahensya.
