Ngimmato iti tallo pulo ket lima ti bilang dagiti validated election-related incidents, nga addaan iti sangapulo ket tallo a naipadamag a pimmusay, sigun iti Philippine National Police (PNP).
Maibasar iti datos manipod Enero a dose agingga Abril baente otso, ti kangatuan a bilang ti insidente a nairekord ket iti rehion Cordillera nga addaan ti sangapulo ket maysa nga insidente ken Bangsamoro nga addaan ti walo met nga insidente.
Simmaruno ti Calabarzon nga addaan ti lima nga insidente, bayat a ti Zamboanga Peninsula ket addaan ti tallo. Sag-dua met ti naireport iti Western Visayas ken Davao regions, ken sagagaysa nga insidente iti Ilocos, Central Luzon, Eastern Visayas, ken Soccsksargen.
Kabayatanna, nakakumpiskar dagiti kameng ti pulisia iti 2,800 a paltog ken nakemmegda ti 2,710 nga indibidual kas paset ti enforcement ti gobierno iti election gun ban.
Bimmaba met ti bilang ti areas of concern manipod iti 36 ket nagbalin a 34, kalpasan nga impasidong ti Commission on Elections (Comelec) iti “under control” ti Datu Sinsuat ken Buluan idiay Maguindanao del Sur gapu iti panagngato ti bayolente nga aramid.
