Nakemmeg ti maysa a 26-anyos a lalaki a maibilbilang kas street level indibidual babaen iti buy bust operation a naisayangkat iti maysa a lodge sadiay Kayang Hilltop, Baguio City itay laeng 10:28 iti rabii, April 30,2025.
Ti suspek ket addan iti live-in partner, maysa a vendor ken agdama a residente ti nasao a lugar.
Balligi a nakumpiskar kenkuana ti maysa a gramo ti maatap a shabu nga addaan iti Standard Drug Price a P6,800.00, ngem ti market value daytoy ket Php 3,500.00.
Malaksid iti dayta, nakumpiskar kenkuana ti maysa a pidaso ti 500-peso bill nga addaan iti serial number a AG4017496; innem a pidaso iti 500- peso bill boodle money nga addaan iti serial number a HD519613; ken maysa a blue cellular phone.
Balligi a naipatungpal ti buy bust operation babaen iti Regional Police Drug Enforcement Unit-Cordillera(Lead Unit), RID PRO CAR, Baguio City Police Office Police Station 7, ken dadduma pay a yunit ti pulisya.//Bombo Noveh Organo
