Impaganetget ti City Veterinary and Agriculture Office (CVAO) a ti safe ken free ti siudad ti Baguio iti African Swine Fever (ASF) ken dagiti sakit ti seafood a red tide.
Iti pannakiuman ti Bombo Radyo iti maysa kadagiti empleyado ti City Veterinary and Agriculture Office (CVAO), kinunana a babaen iti coordinationda iti Bureau of Fisheries and Aquatic Resources (BFAR) ket strikto a mamonmonitor ti seguridad dagiti lames, seashells ken dadduma a seafood tapnu makita nu adda ti sakit dagitoy kas iti Red Tide.
Maipalagip nga idi napalpalabas a domingo ket adda ti nagpositibo iti toxin red tide ngem dagus daytoy a nakumpiskar ken saanen a naulit.
Kabayatannna, iti baet nga agraraira manen iti African Swine Fever (ASF) a sakit ti baboy, impasiguradoda met nga awan ti kaso ti African Swine Fever (ASF) iti sIudad ti Baguio.
Inlawlawag pay ti nasao nga opisina a sakbay a maiyuneg dagiti baboy pakairamanan dagiti seafoods ket strikto a mamonmonitor sakbay a maiyuneg iti siudad.
Impeksana a ti baboy ket maiquarantine pay sakbay a maiturong iti slaughter house.
Malaksid iti dayta, strikto metlaeng ti pannakaipatungpal dagiti requirements a rumbeng nga imet dagiti hog dealers nga umuneg iti slaughter house kas kadagiti nagduduma a certificates a mangipakpkita nga african swine fever free ti baboy ken dadduma pay.
Kabayatanna, para met kadagiti seafoods strikto a kitkitaen dagitoy ti opisina ti Bureau of Fisheries and Aquatic Resources (BFAR).
Malaksid kadagitoy saan metlaeng nga agsarsardeng a maipatpatungpal ti surprise inspection kadagiti merkado publiko.//Bombo Noveh Organo
