Naipakaammo a walo manipud kadagiti sangapulo a probinsya iti pagilian nga addaan iti poor literacy ket sadiay Mindanao kas maibasar iti Functional Literacy, Education and Mass Media Survey (Flemms) nga impatungpal ti Philippine Statistics Authority (PSA).
Maibasar iti survey, ti 18.9 million a Pilipino a nagturpos iti sekondarya manipud tawen 2019 agingga 2024 ket maikonsidera kas “functional illiterate” wenno dagitoy nga estudyante ket saan a makabasa, saan a makasurat, saan a makacompute ken saanda a macomprehend dagiti basbasaenda.
Sigun kenni Senator Sherwin Gatchalian, chair iti Senate basic education committee, ti Tawi-Tawi ti addaan iti “highest basic illiteracy rate” no sadino maysa manipud kadagiti tallo a katao iti nasao a probinsya ket saan a makabasa, makasurat ken maka-compute.
Kabayatanna, dagiti daduma a karaman iti “bottom 10 basically literate provinces” ket ti Davao Occidental, Basilan, Northern Samar, Sarangani, Lanao del Sur, Zamboanga del Sur, Samar, Sultan Kudarat ken Maguindanao del Sur.
Iti report ti PSA idi napalabas a tawen,ti Tawi-Tawi, Maguindanao ken Basilan ket karaman kadagiti poorest province iti pagilian.
Gapu iti dayta, mangipatungpal ti Department of Education iti intervention program no sadino nasken nga agbalin a critical thinkers dagiti estudyante ken addaan iti 21st-century skills, saan laeng a maipapan iti memorization.
