Nakasaganan ti rehiyon Cordillera para iti umadanin nga eleksyon inton Mayo a dose.
Iti interview ti Bombo Radyo kenni Atty. Julius Torres, Regional Director, iti Commission on Elections-Cordillera, kinunana a nakasagana dagitoyen kaduada dagiti line agencies no sadino mabalin dagitoyen nga agpabutos.
Sigun kenkuana, mangrugi a maipatungpal ti final testing ken sealing kadagiti maaramat nga automated counting machines inton bigat agingga inton Mayo a syete iti intero a Pilipinas.
Iti nasao a final testing ken sealing maaramat dagiti sangapulo a balota tapno maicheck a nasayaat no adda man ti aberya tapno adda ti oras dagitoy a mangtarimaan wenno mangsukat.
Malaksid iti dayta, nakasaganan metten dagiti mannursuro nga agserbi kas electoral board inton eleksyon no sadino naaddaan pay dagitoy iti refresher training itay nabiit.
Kabayatanna, imbinglay pay ni Atty. Torres nga adda dagiti innem a contingent manipud European Union nga agserbi kas observer inton eleksyon no sadino kadagiti nagduduma a probinsya ken siudad iti rehiyon Cordillera.
Kagiddan dayta, nagpalagip daytoy kadagiti kandidato a respetuenda ti tumunggal maysa, ipakita ti kabaelan dagitoy iti posisyon a pagtarayanda ken dadduma pay.//Rose
