Nainagunaran ti baro a tennis court iti siudad ti Baguio ita nga aldaw babaen iti ribbon cutting.
Iti immunan a panakiuman ti Bombo Radyo kenni Engr. Bonifacio Dela Peña, City Administrator iti siudad, kinunana nga idi pay kuma napalabas a bulan a maiturn-over ngem naitantan daytoy gapu iti saan a nasayaat a paniempo.
Gapu iti dayta, mabalinen a maaramat ti tennis court ngem maaramid pay laeng ti rules and regulations iti daytoy.
Sigun kenni Engr. Dela Peña, bayat a maur-uray pay dagiti guidelines ket ti maiyaplikar pay laeng ket ti sigud nga ordinasa.
Iti groundfloor ti nasao a pasdek, naituding nga i-operate pay laeng daytoy ti treasury ken ti sports facility ket i-operate ti Sports Division.
Naituding met nga ag-host daytoy kadagiti local, national, ken international tennis events ken tournaments no daytoy ket agbalin a fully operational ken maipaayan iti accreditation manipud Philippine Tennis Association(PHILTA).
Daytoy nga sporting facility ket mang-feature iti tallo nga international-standard playing courts, multi-purpose areas, ken restaurant ken cafe.
Iti sabali a bangir, nakasaganan met laeng ti parking area a mabalin a makaakomodar iti agarup 89 a lugan.
Ngem, posible a ngumato iti fee iti daytoy kakpasan a maaramid dagiti guidelines.//M
