Inlawlawag ti Abra Police Provincial Office nga awan ti pakainaiganda iti napasamak a panakauram ti Dangdangla Elementary School sadiay Bangued, Abra idi kalman.
Daytoy ket kasaruno iti livestream ti maysa a kapitan iti social media nga adda kainaigan dagiti pulis iti nasao nga insidente.
Gapu iti dayta, allukoyen dagiti otoridad ti publiko a saan dagitoy nga agiwarwaras kadagiti saan nga umno nga impormasyon nga awanan iti basaran.
Dagiti indibidual nga agiwarwaras kadagiti palso a damag ket mabalin a sumango iti kaso.
Inyunay-unay ti Abra Police Provincial Office nga awan timotibo dagitoy tapno puoran ti pagadalan nangruna ket dagiti educational institutions ket paset iti bambantayan dagitoy para iti umadanin nga eleksyon inton umay nga eleksyon.
Nagkari met ti Abra Police Provincial Office a sitatalinaed ti komitment dagitoy para iti panagpatalinaed iti linak ken kappia iti nasao a lugar.
