Pimmusay ti tallo nga ubbing kalpasan a pinuuran ti bukoda nga ina idiay Barangay San Vicente, Santa Maria, Bulacan itay nabiit.
Maibasar iti imbistigasion dagiti otoridad, pinuoran ti ina dagiti tallo nga annakna sakbayna a pinuoranna ti bukodna a bagi.
Sigun iti kaaruba dagitoy, kinabaelan pay ti 6 years old nga ubing nga insalaysay ti napasamak sakbay a pimmusay daytoy.
Sigun iti nasao nga ubing, binukbukan ti inada dagitoy iti gas sakbayna a sinindian iti apoy.
Nasarakan amin dagiti bagi ti biktima iti uneg ti pagtaenganda.
Dead on the spot ti kaubingan nga ubing bayat a pimmusay dagiti dua a kabsatna ken ti inada iti ospital.
Sakbay a napasamak ti insidente, naipadamag a nangipila ti ina iti blotter report iti barangay no sadino, kinunana nga adda ti problemana iti asawana ken ti katuganganna.
Sigun kenni Potenciano Lorenzo, Barangay Captain ti San Vicente, maipagarop a kankanunungan ti nasao a katuganganna ti panag-apa dagiti agassawa.
Kalpasan ti panangipilana iti blotter report, napasamak ti insidente.
Maibasar pay iti imbestigasion, inserra ti ina ti ridawda ken inrikepna ti suplayda iti danum sakbay nga inaramidna ti krimen.
Kabayatanna, nasarakan ti Bureau of Fire Protection ti paint thinner ken matchbox iti uneg ti pagtaengan dagitoy.
Napasamak ti insidente bayat nga agtartrabaho ti ama dagiti ubbing sadiay Batangas.
Nagkedked daytoy a mangipaay iti aniaman nga statement seknan iti nasao nga insidente ken kiniddawna ti “privacy”.
