BAGUIO CITY – Inarestar dagiti otoridad itay laeng nabiit ti maysa a lalaki gapu iti maatap a panangharrassna iti maysa nga estudyante.
Ti suspect ket agtawen iti 47, awanan iti asawa, tubo iti Ilocos Sur ngem residente iti Magsaysay, Baguio City bayat a ti biktima ket agtawen iti 24,awanan iti asawa ken residente iti siudad ti Baguio.
Iti impormasyon a naala iti Bombo Radyo kadagiti kameng iti pulisya, nakatakder ti biktima bayat nga ar-aramatenna iti cellphonena idi simmangbay ti suspect, immabay, ken killaat nga ineggamanna ti pribado a paset iti bagi ti biktima iti dua a daras iti baet nga awan iti pammalubos daytoy.
Napasamak ti nasao nga insidente idiay Barangay Atok Trail, Baguio City.
Sigun metlaeng iti imbestigasyon, saan a napnek ti suspect ket nagparintumeng iti sangwanan iti biktima.
Kasaruno iti dayta, imbabana ti sapin ti biktima sakbayna a maatap nga insubo ti pribado a paset iti bagi daytoy.
Sigun kadagiti pulis, imbinglay ti biktima a saanna nga ammo nu anya ti aramidenna kabayatan ti nasao nga insidente gaputa nakigtot.
Innayon ti biktima a timmaray daytoy ngem kinamat ti suspect ken inulitna manen ti inaramidna.
Gapu iti dayta, nagpaarayat ti biktima kadagiti pulis a manarimaan nga agpatpatrolya rason a dagus a naarestar ti suspect.
Iti agdama, sumangsango ti suspect iti kaskenan a kaso.//Bombo Noveh Organo
