--Ads--
Nabigbig ti siudad ti Baguio kas second highest functional literacy rate kadagiti amin nga urbanized cities iti Pilipinas ita a tawen.
Maibasar iti datos ti Philippine Statistics Authority iti 2024 Functional Literacy, Education and Mass Media Survey (FLEMMS), nakaala ti siudad iti 89.8% a literacy rate bayat a ti San Juan City ti nakaala iti umuna a pwesto nga addaan iti 94.5% rate.
Immunan metlaeng a naammuan a nabigbig ti Rehiyon Cordillera highest functional literacy rate nga 81.2% manipud kadagiti amin a 17 a rehiyon iti Pilipinas idi napalabas a tawen.
Manipud iti daytoy, ti probinsya ti Benguet ti nabigbig nga addaan iti highest functional literacy rate manipud kadagiti amin a probinsya iti pagilian nga addaan iti 87.9%.
