--Ads--
Dumanon iti agarup dua a million a Pilipino ti awanan iti trabaho idi bulan ti Abril kas maibasar iti kaudian a survey ti Philippine Statistics Authority.
Daytoy ket gapu ta iti kinaado dagiti agsarsarak iti trabaho, bassit laeng ti maaw-awat.
Iti naangay a press briefing, impakaamo ni National Statistician Dennis Mapa a dagiti unemployed ket agtawen iti sangapulo ket lima agpangato a dumanon iti 2.06 million, mas nangatngato no idilig iti 1.93 million nga unemployed idi bulan ti Marso.
Kabayatanna, dumanon met iti 48.67 million dagiti Pilipino nga employed idi bulan ti Abril, daytoy ket 95.9% nga employment rate.
Maibasar iti datos, ti service industry ti top emplyer, sarunoen ti agriculture ken industry sector.
