Nangiyuswat ti Land Transportation Office iti imbestigasyon iti 40 a district offices daytoy a maatap a karaman kadagiti illegal transfer of ownership iti nakumpiskar a luglugan kadagiti naipatungpal a police operations.
Ti nadakamat nga iligal nga aktibidad ket aw-awagan iti Philippine National Police a technical carnapping.
Sigun kenni Land Transportation Office chief Vigor Mendoza II, kumpirmado kadagiti intelligence reports dagiti illegal transfer of ownership kadagiti motor vehicles nu sadino, naduktalan nga inproseso dagiti sumagmamano a district offices iti panakakanselar iti transfer of ownership ken panakaipaiyulog iti duplicate certificate of registration nga agparparang kas legitimate transfer.
Impasigurado ni Mendoza a mapilaan iti criminal ken administrative charges dagiti indibidwal a mapaneknekan a karaman iti nasao a modus.
