BAGUIO CITY- Manarimaan ti panakaisayangkat ti kanayunan nga imbestigasyon mainaig ti kinasiasino ti ina ti fetus a nasarakan idiay Bakakeng Central, Baguio city.
Iti panakiuman ti Bombo Radyo kenni Pmaj. Marcy Grace Marron- Public Information Officer ti Baguio City Police Office, kinunana a pasado alas sais ti agsapa idi Hunyo 12, 2025 idi agpakan kuma ti 51-anyos a babai iti tarakenna nga aso iti likodan ti balay dagitoy idi napansinna nga addan ti kankanen ti asona.
Dagusna met nga inasitgan daytoy ken dita a nakitana ti maysa a fetus a kankanen ti aso dagitoy.
Daytoy nga insidente ket dagus a naiyuman iti station ti pulisya.
Narekober dagiti pulis manipud ti crime scene ti maysa a fetus nga awananen ti maysa nga ima ken ti maysa a matana gapu iti panagkaan ti aso.
Nabigbig met ti fetus a lalaki ken maatap nga innem a bulan daytoy.
Kabayatanna, nakikoordinar metten ti Baguio City Police Office iti Baguio Health Department tapnu maamoan no sino dagiti agdadagsen ti 5-6 months iti nasao a lugar
Ti fetus ket naiturung iti Baguio memorial service para iti nasayaat a panakaitabon daytoy.
Awan met ti CCTV a nakamuntar iti nasao a lugar.//Bombo Noveh Organo
