Binallaagan ti Philippine Embassy idiay Israel dagiti Pilipino nga agtalinaed manipod iti pagtaenganda gapu iti panagsupiat iti nagbaetan ti nasao a pagilian ken ti Iran.
Sigun iti embahada, nangiruar ti balakad ti IDF Home Front Command a maipasidong ti pagilian iti Essentail Activity status a nangrugi idi kalman iti oras ti alas tres agingga alas otso ti rabii ita nga aldaw.
Iti sidong ti Essential Activity status, masuspindir ti amin a klase kadagiti pagadalan ti Israel, kasta metten ti aniaman a panagtaripnong.
Nasuspindir metlaeng ti trabaho malaksid kadagiti mangipapaay ti kangrunaan a serbisio.
Nakangato iti alert Level 2 ti Israel isut gapuna a nasuspindir ti panagipatulod kadagiti Filipino workers.
Iti agdama, bambantayan ti DFA ken DMW ti kasasaad dagiti Pilipino idiay Israel.
Maipalagip a kinuna ti Israel a ti panagatake nga impatungpalda idiay Iran ket panangidepensa ti pagilianda tapno lapdan ti Tehran iti panangaramid ti nuclear weapon.
