--Ads--
Napapatay ti nasurok walo pulo nga indibidual iti agtultuloy a panagbinnales ti missile ken airstrikes iti nagbaetan ti Israel ken Iran.
Sigun iti Israeli authorities, tallo ti pimmusay idiay Israel bayat a sangapulo ket siam ti nadangran iti nagsinnaruno a missiles attack ti Iran.
Sigun met iti Iran, dumanonen iti pito pulo ket walo nga indibidual ti pimmusay gapu iti panagatake ti Israel ken 320 ti nadangran a kaaduan ket sibilian.
Kabayatanna, agtultuloy met ti panangsapul dagiti otoridad kadagiti residente a posible a na-trap kadagiti pasdek nga asideg kadagiti residential area ti Rishon Lezion a natamaan ti missile strikes nga insayangkat ti Iran.
