--Ads--
Nagballaag ti Smoke Free Task Force iti publiko a nainget a maipawpawil ti panagilako kadagiti vape iti siudad ti Baguio.
Daytoy ket gaputa awan ti siasinoman nga indibidual a naipaayan iti permit tapno agilako iti nasao a produkto, physical store man wenno babaen iti social media.
Gapu iti dayta, makidkiddaw ti kooperasyon ti publiko tapno ireport dagiti maduktalang nga agilaklako iti daytoy tapno dagus a maammuan dagiti illegal nga agilaklako iti sigarilyo ken vape iti siudad.
Kagiddan dayta, agtultuloy ti pannakipartner dagitoy kadagiti nagduduma nga ahensya para iti education campaign ti Smoke Free Baguio Ordinance ken tapno maipakaammo ti epekto ti panagsigarilyo.//Bombo Noveh Organo
