Mabigbigbig dagiti sangapulo a pagadalan iti rehiyon Cordillera kalpasan a karaman dagitoy iti 2025 Times Higher Education a mangipakpakita no kasano ti kaledad ti edukasyon iti nasao a rehiyon.
Daytoy ti kaunaan a gundaway nga ado a Cordilleran Higher Education Institutions ti karaman iti global rankings.
Itay napalabas, naiparang a ti siudad ti Baguio, probinsya ti Benguet ken Apayao ket addaan iti kangatoan a functional literacy rates iti pagilian.
Ti Ifugao State University ken Saint Luis University ket nabaelanda nga ag-rank manipud 601 agingga 800.
Rank 801-1000 dagiti pagadalan a Benguet State University, Kalinga State University ken Mountain Province State University.
Rank 1001- 1500 ti Cordillera Career Development College ken ti University of the Cordilleras.
Rank 1500+ ti Apayao State College, King’s College of the Philippines ken ti University of Baguio.
Kagiddan iti panakabigbig dagitoy a pagadalan ket ado nga international partnerships ti nailukat kasta met dagiti research grants, student exchange programs ken daduma pay.
Kabayatanna, suportado ti Commission on Higher Education-Cordillera kadagiti Higher Education Institutions tapno mas sumayaat pay ti panangipaayda iti kaledad nga edukasyon.
