Pimmusay ti maysa kadagiti dua a Japanese mountaineer a nangisayangkat ti expedition iti kangatuan a bantay idiay Peru gapu iti hypothermia.
Maimatangan iti video ti rescue organization a Socorro Andino Peruano nu sadinno, maysa kadagiti dua a Japanese mountaineer ti saanen a makagaraw bayat a nakaidda iti niebe.
Kadua ti Japanese ti maysa a rescuer iti bantay, a napuersa a maturog iti maysa a rabii kadua ti maysa pay a hiker iti Mount Huascaran a nabalkut iti napuskol a niebe.
Ti Mount Huascaran ti kangatuan a bantay idiay Peru nga addaan ti altitude a nasurok iti 6,700 meters above sea level.
Iti baet nga “experience mountaineer” ti dua, saanda a nabaelan ti napasaranda iti panagdanunda iti tuktok ti bantay.
Gapu iti kinalam-ek iti bantay, nakapasar ti dua a turista ti cerebral edema ken hypothermia.
Ti cerebral edema ket maysa a kita ti panagletteg ti maysa a paset ti utek gapu iti na-trap a fluid.
Sigun kadagiti eksperto, mabalin a mapadasan ti maysa nga indibidual ti cerebral edema nu adda iti nangato a lugar, wenno lugar nga addaan ti altitude a 4,000 meters above sea level wenno nasurok pay, bayat a ti hypothermia ket abnormal a panagbaba ti body temperature gapu iti nabayag nga exposure iti nakaro a lamiis.
Nabigbig ti pimmusay a ni Japanese mountain climber Chiaki Inada, 40-anyos a doktor, bayat a ti kaduana met ket ni Saki Terada, 35-anyos.
