Nagkiddaw ti pagilian nga Iran iti United Nations (UN) a rumbeng a sungbatan ti Israel ken Estados Unidos ti nagbalin nga epekto ti giera a nagbayag iti sangapulo ket dua nga aldaw.
Maibasar iti surat nga impatulod ni Iranian Foreign Minister Abbas Araghchi kenni UN Secretary-General Antonio Guterres, ti US ken Israel ti rumbeng a mapabasol iti kaudian a giera.
Kidkiddawen pay ti nasao nga opisial ti pormal a pannakabigbig ti responsabilidadda.
“We officially request hereby that the Security Council recognise the Israeli regime and the United States as the initiators of the act of aggression and acknowledge their subsequent responsibility, including the payment of compensation and reparations”
Iranian Foreign Minister Abbas Araghchi
Iti agdama, awan pay ti sungbat ni Guterres iti nasao a banag.
Maipalagip a nangrugi ti giera iti nagbaetan ti Israel ken Iran idi Hunio a trese iti agdama a tawen, ngem nagleppas daytoy kalpasan ti sangapulo ket dua a tawen gapu iti napagnumuan a ceasefire.
