Napagsasaritaanen dagiti nabutosan a konsehal iti siudad ti Baguio ti komite a maalada para iti innem a tawen a panagtugaw dagitoy.
Iti pannakiuman ti Bombo Radyo kenni Baguio City Councilor Ed Bilog, kinunana a nagsarita dagitoyen kaduana dagiti padana a konsehal idi Lunes seknan iti chairmanship ti tunggal komite.
Nupay kasta, mapagsaritaan paylaeng ti pinal a komite ti tunggal konsehal iti sumaruno a sesyon inton Lunes, Hulio 7, 2025.
Kabayatanna, imbinglay ni Councilor Bilog a kayatna a maiggaman ti Committee on Public Utilities, Transportation, and Traffic Legislation wenno ti Committee on Health and Sanitation.
Nupay kasta,ti maipaay kenkuana a napagsaritaanda iti naisayangkat nga informal dialogue ket ti Committee on Empolyement, Livelihood and Cooperative.
