Addaan ti permanente a nutrition action officer ti pito a munisipio ti Benguet a pakairamanan ti Atok, Bakun, Bokod, Kapangan, Kibungan, La Trinidad, ken Tuba.
Sigun kenni Director Bella Basalong, Regional Nutrition Program Coordinator ti National Nutrition Council-Cordillera, ti makitkitana a rason nga awanan ti permanente a nutrition action officer dagiti sumagmamano nga LGUs ket gapu iti kinakurang iti pondo ken kinakurang ti mangayat a mangtangdan iti dadduma.
Nakalanad iti plano ti nasao nga opisina kadua ti DOH a rumbeng a mangtangdan dagiti LGUs iti permanente a nutrition action officer.
Dinakamat ti nasao nga opisial a kanayon gamin a masukatan ti officer dagitoy isut gapuna a kanayon met ti maipatpatungpal a training wenno panagsanay kadakuada.
Gapu iti daytoy, saan nga agtultuloy dagiti nutrition program a rumbeng kuma a maipatungpal iti maysa a lokal a gobierno.
Kabayatanna, guygoyugoyenna dagiti opisial a mangtangdan ti nutrition action officer tapno maipatungpal a nasayaat dagiti nutrition program tapno makessayan ti bilang dagiti underweight ken overweight iti probinsia ti Benguet
