Manamnama a manayunan ti slot para kadagiti iskolar iti Provincial Local Government Unit iti Benguet.
Sigun kenni Governor Melchor Diclas, saanen a maysa tunggal barangay iti probinsya ti Benguet ti agbalin nga iskolar nu di ket, mabalinen a dua iti tunggal barangay.
Daytoy ti inwaragawag ni Diclas kagiddan iti inaugural speech daytoy bayat ti oath-taking ceremony a naipatungpal sadiay Benguet Sports Complex itay laeng nabiit.
Innayonna nga agtultuloy met laeng iti programa iti probinsya nga study now pay later para kadagiti future a medical doctors nu sadino,saggaysa met ti maala tunggal munisipyo iti probinsya.
Mainaig iti dayta, inyebkasna pay nga agtultuloy ti programa ti lokal a gobyerno iti Benguet para iti sektor iti edukasyon babaen iti pannakikoordinarda iti Department of Education tapno manayunan pay ti maipasdek a pagadalan iti nasao a probinsya.//Bombo Genzel Depayso
